एकूण प्राप्ती म्हणजे काय ? सरासरी प्राप्ती ! सीमांत प्राप्ती

एकूण प्राप्ती :- (Total Revenue (TR) ) ! सरासरी प्राप्ती :- (Average Revenue---AR. ) ! सीमांत प्राप्ती :- (Marginal Revenue) 

एकूण प्राप्तीच्या संकल्पना :-

अ) एकूण प्राप्ती :- (Total Revenue (TR) ) 

आपल्या उद्योगात झालेल्या उत्पादनाची विक्री केल्यानंतर उत्पादकाला मिळणारे एकूण उत्पन्न किंवा रक्कम म्हणजे एकूण प्राप्ती होय. एकुण प्राप्ती काढण्यासाठी पुढील सूत्र वापरले जाते. 

 सूत्र :- एकूण प्राप्ती. = एकूण विक्री नगसंख्या × किंमत

 उदा. उत्पादकाने 10 खुर्च्या 200 रुपये प्रमाणे विकल्या तर एकूण प्राप्ती किती? 

सूत्रानुसार एकूण प्राप्ती = 10 × 200. = 2000. ₹ एकूण प्राप्ती होईल. 

 ब) सरासरी प्राप्ती :- (Average Revenue---AR. )

 उत्पादकाला प्रत्येक नग संख्येच्या विक्रीनंतर मिळणारे उत्पन्न म्हणजे सरासरी प्राप्ती होय. एकूण प्राप्तीला एकूण विक्री नगसंख्येने भागाकार करून सरासरी प्राप्ती काढता येते. त्यासाठी पुढील सूत्र वापरले जाते. 

 सूत्र :-                         एकूण प्राप्ती 

सरासरी प्राप्ती = ----------------------------------

                               एकूण विक्री नगसंख्या 

उदा. उत्पादकाला 10 खुर्च्या विकून 2000 रुपये एकूण प्राप्ती झाल्यास सरासरी प्राप्ती किती ?                               सूत्रानुसार             

                           2000

सरासरी प्राप्ती =-------------. = 200 ₹ सरासरी प्राप्ती येईल.                    10

 क) सीमांत प्राप्ती :- (Marginal Revenue) 

उत्पादकाने वस्तूच्या विक्रीत एका नग संख्येने वाढ केल्यानंतर त्याला मिळणाऱ्या एकूण प्राप्तीत होणारी निव्वळ वाढ म्हणजे सीमांत प्राप्ती होय. सीमांत प्राप्ती पुढील सूत्राने काढली जाते.

 सूत्र 

 सीमांत प्राप्ती. =. एका वाढीव नगसंखेच्या विक्रीनंतर झालेली एकूण प्राप्ती – आधीची एकूण प्राप्ती

 उदा. 10 खुर्च्या विकून 2000 ₹ एकूण प्राप्ती झाली . 11 वी खुर्ची विकून 2300 ₹ प्राप्ती झाल्यास सीमांत प्राप्ती किती होईल? 

सूत्रानुसार सीमांत प्राप्ती = 2300 – 2000 =. 300 ₹ सीमांत प्राप्ती होईल. 

bansodesirvs.blogspot.com.bansodesirvs.blogs

धन्यवाद

बनसोडे सर व्ही. एस.

विषय:- अर्थशास्त्र

bansodesirvs.blogspot.com.bansodesirvs.