पुरवठा ठरवणारे घटक ! बाजार पुरवठा ठरविणरे घटक ! पुरवठा निर्धारित करणारे घटक

 प्रश्न :-  पुरवठा ठरवणारे घटक ! बाजार पुरवठा ठरविणरे घटक ! पुरवठा निर्धारित करणारे घटक कोणते?

उत्तर :- वस्तूचा पुरवठा कमी जास्त करणारे अनेक घटक आहेत ते पुढीलप्रमाणे .

1) वस्तूची किंमत:- कोणताही वस्तूचा पुरवठा त्या वस्तूच्या किमती वर अवलंबून असतो वस्तूची किंमत वाढल्यास उत्पादकाला नफा होत असल्याने पुरवठा वाढतो व किंमत कमी झाल्यास पुरवठा कमी होतो.

2)पर्यायी वस्तूची किंमत :- वस्तूला असणाऱ्या पर्यायी वस्तूंच्या किमतीवर पुरवठा अवलंबून असतो .

उदा. साखरेपेक्षा गुळाच्या किमती जास्त असल्यास शेतकरी ऊसापासून गुळाचे उत्पादन व पुरवठा वाढवतो मात्र यामुळे साखरेचा पुरवठा कमी होतो.

3) उत्पादकांच्या भविष्यकालीन अपेक्षा :- भविष्यात वस्तूंची किंमत, मागणी वाढून नफा वाढण्याची अपेक्षा असल्यास उत्पादक आज वर्तमान काळात वस्तूंचा पुरवठा कमी करतो.

 4) उत्पादक घटकांची उपलब्धता :- वस्तूंच्या उत्पादनासाठी आवश्यक भूमी, श्रम, भांडवल आणि संयोजक हे चार उत्पादनाचे घटक कमी किमतीत मोठ्या प्रमाणावर उपलब्ध असल्यास त्यांचा वापर वाढून उत्पादन व पुरवठा वाढतो. 

5) पायाभूत सुविधांची उपलब्धता :- वस्तूंच्या उत्पादनासाठी आवश्यक पाणी, वीज, रस्ते, गोदाम, बँक, विमा इत्यादी मूलभूत सुविधा कमी किमतीत मोठ्या प्रमाणावर उपलब्ध असल्यास उत्पादनासाठी प्रेरणा मिळून उत्पादन व पुरवठा वाढतो.  

6) उत्पादन तंत्र व यंत्रे :- वस्तू उत्पादनासाठी देशात आधुनिक तंत्र व यंत्राचा वापर होत असल्यास कमी वेळेत, कमी किमतीत, कमी खर्चात मोठ्या प्रमाणावर उत्पादन होऊन वस्तूं व सेवांचे उत्पादन व पुरवठा वाढतो. 

7) नैसर्गिक परिस्थिती :- वस्तू उत्पादनासाठी हवामान, पाऊस इत्यादी नैसर्गिक परिस्थिती अनुकूल असल्यास शेती उत्पादन मोठ्या प्रमाणावर वाढते.

 8) उत्पादन खर्च :- वस्तूच्या उत्पादनासाठी येणारा खर्च कमी होत असल्यास उत्पादन त्याला जास्त नफा मिळतो त्यामुळे प्रेरणा मिळवन वस्तूंचे उत्पादन व पुरवठा वाढतो.

9) आयात निर्यात सुविधा :- देशात आधुनिक यंत्रांची आयात व वस्तू व सेवांच्या निर्यातीला  सुविधा मिळत असल्यास इतर देशातील वस्तू व सेवांची मागणी वाढून देशात वस्तूंचे उत्पादन, पुरवठा व रोजगार वाढत जातो.  

10) सरकारचे धोरण-  देशातील सरकारने वस्तू व सेवांवरील कर कमी केला तसेच उत्पादनासाठी अनुदाने सवलती दिल्यास उत्पादन खर्च होऊन नफा वाढतो त्यामुळे देशातील उत्पादन व पुरवठा वाढतो.

अशा प्रकारे पुरवठा किंवा बाजार पुरवठा वरील अनेक घटकांवर अवलंबून असतो.

bansodesirvs.blogspot.com.bansodesirvs.

धन्यवाद बनसोडे सर व्ही एस

bansodesirvs.blogspot.com.bansodesir